Når du køyrer opp Nibbevegen frå Djupvatnet til Geiranger Skywalk, legg du bak deg over 470 høgdemeter. Før du kjem til toppen, får du ikkje berre høgde – du får utsyn, fjell, ro og ei kjensle av å vere midt i noko større. Landskapet viser deg nye sider for kvar kilometer. Lyset endrar seg. Linjene i fjella kjem nærare. Og du merkar at du senkar tempoet utan å nødvendigvis bremsa.

Det er lett å forstå kvifor folk køyrer hit opp, parkerer, og berre står ei stund – utan å gjere noko meir.

Noko skjer idet du kjem høgt nok

Det som skil Nibbevegen frå mange andre fjellvegar, er kor tett du kjem på naturen undervegs. Her får du utsyn, ja – men du får òg nærvær. Det opnar seg nytt terreng i kvar sving. Bakkar du ikkje visste fanst. Fjellformasjonar som skjuler seg i disen.

Når du nærmar deg toppen ser du rett ut mot verdsarven – fram til fjord, fjell og bre. Det er som om landskapet brettar seg ut for deg, utan filter. Og du står rett i det.

Eit landskap som lever med vêr og årstid

Vegen endrar karakter gjennom sesongen. Nokre gonger er det sol og klår sikt heilt til havet. Andre gonger heng skodda i slør ned langs fjella – og du køyrer inn i opningane mellom skyene. Snørestar blir liggjande lenge langs grøfta, sjølv i juni. Vi er tett på villreinens område. Kanskje ser du ein flokk i det fjerne?

Her opnar naturen seg, men aldri heilt likt. Slik blir vegen ein del av opplevinga, heile vegen opp. Du må sjå, kjenne, berekne – og ta inn.

Kvar byrjar turen – og kva møter deg?

Du kan starte ved Djupvatnet, og køyre dei siste fem kilometrane opp. Eller ta ein lengre tur frå Langvatnet eller Geiranger – då får du med deg fleire utsikter og meir stigning. Mange vel å kombinere Nibbevegen med turistvegen mellom Geiranger og Grotli.

Geiranger Skywalk på toppen gir deg ei unik ramme: 1500 meter over fjorden. Utsikta du får her, har vore halde open av lokalkrefter heilt sidan 1939.

Praktisk å vite før du køyrer opp

• Vegen er som regel open frå slutten av mai til ut september – snø og vêr styrer datoane
• Du kjøper billett i automat ved bommen, eller på nett
• Vegen er asfaltert og godt vedlikehalden
• Det er god parkering på toppen – både for bilar, motorsyklar, bubil, bussog veteranbil
• Opent heile døgnet – rolegaste tider er morgon og kveld
• På toppen finn du Geiranger Skywalk, kafé, butikk og toalett med universell utforming

Høgt oppe, tett på

Geiranger Skywalk ligg på 1500 meter – høgare enn alle andre fjordutsiktspunkt i Europa du kan køyre til. Men det er ikkje berre høgda du hugsar. Det er kor tett du kjem på landskapet.

Når du står der oppe, er du ute – med vidde rundt deg og fjorden under. Du ser ikkje gjennom eit vindauge. Du står der.
Og du opnar heilt opp for det som opnar seg rundt deg.

‍

‍

‍